एनआइसीले बिक्रीमा राख्यो भद्रपुरदेखि सुर्खेतसम्म ७५ ठाउँको घरजग्गा, धेरै रुपन्देहीमा

काठमाडौं । एनआइसी एशिया बैंकले देशभर ७५ ठाउँमा रहेको गैर बैंकिङ सम्पत्ति ‘घरजग्गा’ बिक्रीमा राखेको छ । बैंकले बुधबार आफ्नो नाममा रहेको घरजग्गा बिक्रीका लागि सात दिने गोप्य शिलबन्दी बोलपत्र आह्वान गरेको छ ।

बैंकले पूर्वको भद्रपुरदेखि पश्‍चिम सुर्खेतसम्म रहेका घरजग्गाहरु लिलाम बिक्री गर्न लागेको छ । 

अधिकांश घरजग्गा रुपन्देहीमा रहेका छन् । बैंकले रुपन्देहीको भैरहवा, बुटवल, लुम्बिनीजस्ता प्राइम लोकेसनमा रहेका घरजग्गा पनि बिक्रीमा राखेको छ ।

बैंकले काठमाडौं, नेपालगञ्‍ज, सुर्खेत, बर्दिया, रुपन्देही, नवलपरासी, नवलपुर, चितवन, कास्की, पर्वत, बारा, पर्सा, रौतहट, सिराहा, सुनसरी, मोरङ, ताप्लेजुङ, इलाम, झापालगायत ठाउँको घरजग्गा बिक्री गर्न लागेको हो ।

बैंकको नाममा रहेको गैर बैंकिङ सम्पत्ति जहाँ जे जस्तो अवस्थामा र परिमाणमा छ, सोही अवस्था र परिमाणमा गोप्य शिलबन्दीबाट बिक्री गरिने बैंकले सूचनामा उल्लेख गरेको छ ।

उल्लेखित घरजगगा खरिद गर्न इच्छुक व्यक्ति, फर्म, कम्पनी वा संघसंस्थाहरुले गोप्य शिलबन्दी बोलपत्र पेश गर्न सक्नेछन् ।

विस्तृत विवरण